Կատալոնական «Բարսելոնայի» գլխավոր մարզիչ Էռնեստո Վալվերդեն Չեմպիոնների լիգայի խմբային փուլի երրորդ տուրի՝ «Սլավիայի» հետ խաղին նախորդած մամուլի ասուլիսի ժամանակ ընդգծել է, որ «Սլավիան» չի պաշտպանվելու և փորձելու է գրոհել:
«Մենք խաղալու ենք շատ ամուր թիմի հետ: «Սլավիայի» ֆուտբոլիստները շատ արագ են գործում և կարողանում են արդյունավետ գրոհներ իրականացնել:
«Ինտերի» հետ խաղում մենք տեսանք, որ «Սլավիան» բազմաթիվ հնարավորություններ ուներ գոլեր խփելու համար: Ի վերջո, «Սլավիան» մեծ խնդիրներ ստեղծեց «Ինտերի» համար:
Այս հանդիպումը շատ կարևոր է «Բարսելոնայի» համար: Մենք եկել ենք Պրահա միայն հաղթանակի հետևից: Եթե ցանկանում ենք դուրս գալ փլեյ-օֆֆ, ապա պետք է 3 միավոր վաստակենք այս խաղում:
«Բարսելոնան» լավ մարզավիճակում է գտնվում: Լա Լիգայում այժմ մենք առաջատար ենք, ինչը հոգեբանորեն շատ մեծ վստահություն է հաղորդում թիմին»,- հայտարարել է Վալվերդեն:
Հիշեցնենք, որ «Սլավիա» - «Բարսելոնա» հանդիպումը տեղի կունենա այսօր՝ Երևանի ժամանակով 22:45-ին:
