Իսպանիայի չեմպիոն «Բարսելոնայի» և Ֆրանսիայի ազգային հավաքականի 25-ամյա պաշտպան Սամուել Ումտիտին ձմեռային տրանսֆերային պատուհանի ընթացքում կարող է պայմանագիր կնքել Մյունխենի «Բավարիայի» հետ, այս մասին հաղորդում է Sport.es-ը:
«Բավարիան» Ումտիտիի տեղափոխության շուրջ «Բարսելոնայի» ղեկավարության հետ բանակցություններ կսկսի առաջիկա շաբաթների ընթացքում:
Ումտիտին ընթացիկ մրցաշրջանում վնասվածքի պատճառով միայն 1 անգամ է խաղադաշտ դուրս եկել «Բարսելոնայի» կազմում:
Ֆրանսիացի պաշտպանը «Բարսելոնայում» հանդես է գալիս 2016 թվականից:
