Լուի վան Գալ

Լուի Վան Գալը Բարսելոնան գլխավորել է 2 անգամ, արձանագրելով իրարից լիովին տարբեր արդյունքներ:

Նախ հոլանդացին Բարսայի ղեկը ստանձնել է 1997 թվականին ու իր առաջին մրցաշրջանում թիմի հետ 3 գավաթ է նվաճել` Եվրոպայի սուպերգավաթը, Կոպա Դել Ռեյը, Լա Լիգան: Հաջորդ մրցաշրջանում Վան Գալի Բարսան պահպանեց Իսպանիայի չեմպիոնի կոչումը:

2000 թվականի մայիսին Ակումբի նախագահ Խոսեպ Լուիս Նունյեսը հայտարարեց նախագահական նոր ընտրությունների և այն մասին, որ ինքը չի պատրաստվում առաջադրել իր թեկնածությունը: Դրանից հետո Վան Գալը հրաժարական տվեց:

2002 թվականին Բարսելոնայի նախագահ Ժոան Գասպարը համոզեց հոլանդացուն վերադառնալ, սակայն նրա նոր մարզչական փորձը կատալոնական ակումբում ձախողվեց և 2003 թվականի սկզբում կողմերը խզեցին պայմանագիրը:

ՏԻՏՂՈՍՆԵՐ

Լա Լիգա (2) - 1997-98, 1998-99

Կոպա Դել Ռեյ (1) - 1997-98

Եվրոպայի սուպերգավաթ (1) - 1997-98