Էրնեստո Վալվերդե

Էրնեստո Վալվերդեն հերթական մարզիչն է, ով անցել է լեգենդար Յոհան Կրույֆի դպրոցը, խաղալով Բարսելոնայում (1988 - ից 1990 թվականներին): Իր մարզչական կարիերան սկսել է Ատլետիկ Բիլբաոյում, որտեղ մինչև 2003 թվականը եղել է մարզչի օգնական, իսկ արդեն 2003 - ից 2006 թվականներին գլխավորել է բասկյան ակումբը, որում անցկացրել է իր ֆուտբոլիստի կարիերայի հետբարսելոնյան 6 տարիները:

Ատլետիկից հետո 2 տարի մարզել է Էսպանյոլը, սակայն իր մասին  բոլորին ստիպել է խոսել Օլիմպիակոսը գլխավորելու ժամանակ, որի հետ 3 անգամ նվաճել է Հունաստանի չեմպիոնի կոչումը, 2 անգամ էլ դարձել է Հունաստանի գավաթակիր: Հատկանշական է, որ Օլիմպիակոսում անցկացրած առաջին մրցաշրջանից հետո նա 1 տարի գլխավորել է Վիլյառեալը, հետո վերադարձել Հունաստան, որտեղ մնացել է ևս 2 տարի:

Այնուհետև 1 տարի աշխատել է Վալենսիայում, ինչից հետո կրկին վերադարձել է Բիլբաո՝ 16 - ամյա ընդմիջումից հետո Ատլետիկին պարգևելով Չեմպիոնների լիգայի ուղեգիր: Բացի այդ, 31 տարվա դադարից հետո Էրնեստոն բասկյան ակումբի հետ նվաճել է Իսպանիայի սուպերգավաթը, հաղթելով հենց Բարսելոնային, որը գլխավորում է 2017 թվականից՝ Լուիս Էնրիկեի հեռանալուց հետո:

ՏԻՏՂՈՍՆԵՐ

Բարսելոնա

Լա Լիգա (1) - 2017-18

Կոպա Դել Ռեյ (1) -  2017-18

Իսպանիայի սուպերգավաթ (1) - 2018-19

Ատլետիկ Բիլբաո

Իսպանիայի սուպերգավաթ (1) - 2015-16

Օլիմպիակոս

Հունաստանի չեմպիոն (3) - 2008-09, 2010-11, 2011-12

Հունաստանի գավաթ (2) - 2008-09, 2011-12