Արթուր Մելոն հատուկ հրավիրված մամլո ասուլիսի ժամանակ հրաժեշտ է տվել Գրեմիոյի երկրպագուներին, հաղորդում է բրազիլիական ակումբի պաշտոնական կայքը:
"Ես ցանկանում եմ շնորհակալություն հայտնել Գրեմիոյին, որն ինձ ընդունեց, երբ դեռ 14 տարեկան էի: Մինչ այսօր իմ բոլոր ձեռքբերումների համար պարտական եմ այս ակումբին: Ես իրականացնում եմ իմ երազանք և դրա համար շնորհակալ եմ ակումբին: Չեմ ասում հաջողություն, այլ ասում եմ մինչ նոր հանդիպում, իմ պատմությունը Գրեմիոյի հետ այստեղ չի ավարտվում", - հայտարարել է Արթուրը:
"Բարսելոնան խնդրել է, որ տրանսֆերը կայանա այս ամառ, ինչից հետո ակումբները սկսել են բանակցել, ես չեմ մասնակցել այդ գործընթացին.... Ինձ հիանալի բաներ են պատմել Բարսայի, քաղաքի և նրանց երկրպագուների մասին: Ես մեծ ակնկալիքներ ունեմ իմ՝ Բարսելոնա տեղափոխությունից", - բացատրել է 21 - ամյա կիսապաշտպանը:
Համաձայն Գրեմիոյի պաշտոնական կայքի, Արթուր Մելոն Կատալոնիա կժամանի այսօր կամ վաղը, սակայն այս առիթով կապտանռնագույնները դեռ հայտարարությամբ հանդես չեն եկել: