Ատլետիկո Մադրիդի երիտասարդ արգենտինացի հարձակվող Լուսիանո Վիետոն մոտ է 2016/17 մրցաշրջանից առաջ Բարսելոնայի 4 - րդ ձեռքբերումը դառնալուն:
Ինչպես հաղորդում է Sport - ը, որպես աղբյուր նշելով As պարբերականը, Բարսելոնան համաձայնեցրել է Վիետոյի պայմանագիրը վերջերս Մադրիդում կայացած հանդիպման ընթացքում:
Սակայն կատալոնական ակումբը դեռ պետք է բանակցի Մադրիդի Ատլետիկոյի հետ, որը դեմ չէ Վիետոյի հեռանալուն: Արգենտինացու տրանսֆերային արժեքը գնահատվում է 20 - ից 25 մլն եվրո, սակայն չի բացառվում, որ Բարսան նրան վարձակալի՝ 1 տարի անց ամբողջական տրանսֆերը գնելու հնարավորությամբ:
Ինչպես երևաց Արդա Թուրանի տրանսֆերի ժամանակ, Բարսելոնայի և Ատլետիկո Մադրիդի հարաբերությունները բավական լավն են, ուստի շատ հավանական է, որ առաջիկա օրերի ընթացքում ակումբները շատ արագ համաձայնության գան Վիետոյի տրանսֆերի շուրջ:
