Երեկ գիշեր Բարսելոնան կարողացել է ստանալ ՊՍԺ - ի համաձայնությունը Դինի տրանսֆերի հարցում և այժմ մնում են մի քանի ոչ առանցքային հարցեր գործարքն ավարտին հասցնելու համար:
Ինչպես հաղորդում է իսպանական Mundo Deportivo - ն, Բարսելոնան մտադիր է հենց այսօր կնքել գործարքն ու պաշտոնապես հայտարարել Լուկա Դինի տրանսֆերի մասին: Ֆուտբոլիստի հետ ակումբը համաձայնեցրել էր պայմանագիրը դեռ մինչև ՊՍԺ - ի հետ բանակցությունների մեկնարկը:
Նույն աղբյուրի համաձայն, Բարսելոնան 16 մլն եվրո կվճարի ֆրանսիական ակումբին, իսկ Դինը կատալոնական ակումբի հետ կկնքի 5 - ամյա պայմանագիր: Եթե տրանսֆերն այսօր պաշտոնապես հաստատվի, ամենայն հավանականությամբ արդեն վաղը կապտանռնագույնները կներկայացնեն ֆրանսիացի պաշտպանին:
