Այս շաբաթ Իսպանիայում միջանկյալ տուր է անցկացվում, որի շրջանակներում Բարսելոնան կհյուրընկալվի Լաս Պալմասին: Վալվերդեն հրապարակել է թիմի հայտացուցակը:
Անդրե Գոմեշն ու Պակո Ալկասերը վերադարձել են Բարսելոնայի հայտացուցակ, հաղորդում է կատալոնական ակումբի պաշտոնական twitter - յան էջը: Վալվերդեն շարունակում է հայտավորել Ժերարդ Պիկեին, ով ակնհայտորեն խնդիրներ ունի ծնկի հետ կապված:
Փոխարենը հայտացուցակում չէ թիմի նորեկ Յերի Մինան: Էռնեստոն շարունակում է չվստահել Դենիս Սուարեզին, Սեմեդոն բացակայում է վնասվածքի պատճառով, իսկ Ժորդի Ալբան որակազրկված է: Այդպիսով, Կանարյան կղզիներ կմեկնեն Բարսայի 18 խաղացողներ:
Հայտացուցակ՝
Դարպասապահներ՝ Սիլեսեն և Տեր Շտեգեն
Պաշտպաններ՝ Դին, Վերմալեն, Ումտիտի, Պիկե, Ռոբերտո և Վիդալ
Կիսապաշտպաններ՝ Բուսկետս, Գոմեշ, Ռակիտիչ, Պաուլինյո, Կոուտինյո և Ինիեստա
Հարձակվողներ՝ Ալկասեր, Դեմեբելե, Լ. Սուարեզ և Մեսսի