Սելտայի դեմ հանդիպումը ցավալի էր ոչ միայն միավորների կորստով: Բարսելոնան ունեցավ շատ ավելի լուրջ կորուստ, որի հետևանքները կարող են շատ ավելի ծանր լինել:
Հանդիպման 72 - րդ րոպեին թիմի պաշտպանության առաջատար Սամուել Ումտիտին ստիպված էր իր տեղը խաղադաշտում զիջել Թոմաս Վերմալենին: Նա վնասվածք ստացավ խաղային դրվագում, երբ գնդակի համար պայքարում էր Ասպասի հետ: Արդյունքում մրցակցի գրոհը զարգացավ և հանգեցրեց գոլի:
Բայց ավելի ցավալի է Ումտիտիի վնասվածքը, քանզի այն, ըստ նախնական տեղեկությունների, ֆրանսիացուն շարքից դուրս է թողել բավական երկար ժամանակով: Ավելի կոնկրետ, կատալոնական Sport - ը հաղորդում է, որ Սամուելը բաց կթողնի 2 ամիս, ինչը նշանակում է, որ նա չի խաղա Մադրիդի Ռեալի դեմ և խաղադաշտ կվերադառնա միայն 2018 թվականին:
