Ուսման Դեմբելեի ապագան շատ շուտով պարզ կլինի: Նրա երազանքների թիմը՝ Բարսելոնան, ցանկանում է գնել նրա տրանսֆերը, մինչդեռ Բորուսիան առողջ բանականությունից դուրս գումարներ է պահանջում:
Ինչպես հաղորդում է իսպանական Mundo Deportivo - ն, Sky Sports Deutschland - ին տված իր հացազրույցում Դորտմունդի Բորուսիայի գլխավոր մարզիչ Պետեր Բոշը խոստացել է, որ վաղն առավոտյան բոլորին հայտնի կլինի Դեմբելեի ապագան:
"Այսօր երեկոյան կխոսենք նրա հետ, իսկ առավոտյան կիմանաք պատասխանը: Այս պահին մենք կենտրոնացած ենք խաղի վրա", - հայտարարել է Բոշը, ով Բորուսիայի մարզական տնօրեն Ցորկի հետ միասին որոշել էր տուգանել Դեմբելեին և զրկել այսօրվա գավաթային խաղին մասնակցելու հնարավորությունից, քանի որ ֆուտբոլիստը բոյկոտել էր թիմի մարզումը: