Ինչպես արդեն տեղեկացրել ենք, Նեյմարը սպասում էր հուլիս ամսվա ավարտին, որպեսզի ստանա պայմանագրով նախատեսված 26 մլն եվրո բոնուսն ու նոր հեռանա կատալոնական ակումբից:
Այսօր արդեն օգոստոսի 1 - ն է, բայց Նեյմարը դեռ չի ստացել իր 26 մլն եվրոն: Ինչպես տեղեկացնում է իսպանական Sport - ը, Բարսելոնան որոշում է կայացրել առայժմ չվճարել այդ գումարը և սպասել դեպքերի հետագա ընթացքին:
Նեյմարին և հատկապես նրա հարազատներին այս լուրը շատ է զայրացրել: Նրանք գտնում են, որ Բարսելոնան ուղղակի հրաժարվում է կատարել իր պարտականությունները և պատրաստվում են միջոցներ ձեռնարկել: Առայժմ հստակ չէ, թե ինչ միջոցների մասին է խոսքը, բայց չի բացառվում, որ բրազիլիացու հայրը դիմի դատարան:
Իսկ ակումբի ղեկավարությունն իր հերթին տեղեկացրել է Նեյմարի հարազատներին, որ գումարն ամբողջությամբ կվճարի միայն այն դեպքում, եթե ֆուտբոլիստը մնա Բարսայում: Հակառակ դեպքում կատալոնացիները մտադիր են դիմել ակումբի փաստաբաններին, հականալու համար, թե ինչպես է հնարավոր խուսափել գումարը վճարելուց կամ գոնե վճարել միայն մի մասը:
