Ինչպես հաղորդում է իսպանական Sport - ը, որպես աղբյուր նշելով բրազիլիական Globoesporte - ն, Լուկաս Լիման հաստատել է իր տեղափոխությունը Բարսելոնա:
Մասնավորապես, երեկ կայացած պոկերի մրցաշարի ընթացքում Լիման մոտ 50 հյուրերի ներկայությամբ, որոնց թվում է եղել նաև իր մտերիմ ընկեր Նեյմարը, հայտարարել է, որ Սանտոսի հետ պայմանագրի ավարտից հետո տեղափոխվելու է Բարսելոնա:
Կատալոնական ակումբը Լիմայի տրանսֆերը ձեռք կբերի անվճար, իսկ պայմանագիրը կարող է ստորագրել հուլիսի 1 - ին կամ ավելի ուշ, քանի որ Լուկասի պայմանագրի ավարտին հենց հուլիսի 1 - ին է մնում 6 ամիս, իսկ FIFA - ի կանոնադրության համաձայն հենց այդ ժամանակ ֆուտբոլիստն իրավունք ունի բանակցել այլ ակումբների հետ:
Հետաքրքիր է, որ Սանտոսը, ում ղեկավարության հետ Բարսելոնան Նեյմարի տրանսֆերից հետո վատ հարաբերությունների մեջ է, պատրաստվում է կատալոնական ակումբի դեմ բողոք ներկայացնել FIFA - ին, քանի որ գտնում է, որ կապտանռնագույնները խախտել են կանոնադրությունը և թույլատրելի ժամկետից շուտ են սկսել բանակցել ֆուտբոլիստի հետ: