Մադրիդի Ռեալի նախկին գլխավոր մարզիչ Ֆաբիո Կապելոն, ով այժմ ֆուտբոլային մեկնաբան է Fox Sports Italia - ում, պաշտպանել է Մեսսիին, հաղորդում է goal.com - ը:
Սերխիո Ռամոսը երկու ոտքով նետվեց դեպի առաջ սլացող Մեսսին և դրա համար հեռացվեց խաղադաշտից: Մադրիդիզմի համար դա կարմիր քարտի խախտում չէր, սակայն ֆուտբոլային աշխարհում, մեղմ ասած, ոչ բոլորն են այդ համոզմանը:
Մասնավորապես, նախկին մադրիդիստա Ֆաբիո Կապելոն, ով մեկնաբանել է խաղը Fox Sports Italia - ի համար, հեռացումից հետո ասել է. "Գիտեք, ամեն Կլասիկոյի Սանտիագո Բեռնաբեուում մադրիդցիները փորձում են վնասվածք հասցնել Մեսսիին: Ամեն անգամ: Եվ միշտ դա ավարտվում է կարմիր քարտով":
Իսկ կրկնապատկերի ցուցադրման ժամանակ իտալացի մասնագետը նույնիսկ մի փոքր զայրացել է. "Նայե՛ք այստեղ! Նայե՛ք այստեղ! Սահանկում կանոններից դուրս՝ 2 ոտքով, ակնհայտ խախտում, ակնհայտ խախտում: Մաքուր կարմիր քարտ":
Ավելացնենք, որ արդեն իսկ կան ոչ պաշտոնական տեղեկություններ, որ Մադրիդի Ռեալը ոչ միայն կփորձի Ռամոսի որակազրկումը սահմանափակել 1 խաղով, այլև մտադիր է առհասարակ բողոքարկել և պահանջել չեղարկել իսպանացու կարմիր քարտը:
