Ֆուտբոլի պատմության ամենադրամատիկ էջերից մեկի գլխավոր հեղինակներից մեկը՝ Նեյմարը, խոսել է հանդիպման մասին, հաղորդում է Sport - ը:
"Սա իմ կյանքի լավագույն խաղն էր: Ես երբեք սա չեմ մոռանա: Ես մեկ շաբաթ անհամբեր սպասում էի այս խաղին, ցանկանում էի պատմություն կերտել Բարսայի հետ: Թվում էր, թե այս օրը երբեք չի գալու, բայց ի վերջո եկավ և սա հրաշալի է", - ասել է Նեյմարը:
"Այո, 4 - 0 հաշվով պարտությունից հետո մենք շատ ծանր օրեր անցկացրեցինք, բայց հետո կարողացանք ուշքի գալ և Լա Լիգայում մեր հաջող ելույթները մեզ վստահություն ներշնչեցին: Գիտեինք, որ շատ դժվար է լինելու, բայց ես ու իմ խաղընկերները վստահ էինք, որ հնարավոր է հետ բերել կորցրածը: Որովհետև Բարսան կարող է ամեն ինչ: Եվ մենք հանգիստ մտանք խաղի մեջ, խաղացինք մեծ ոգևորությամբ, ճնշում գործադրելով և մեկը մյուսի հետևից պահեր փնտրելով: Կորցնելու ոչինչ չունեինք....", - նշել է Բարսայի 11 համարը:
"Մենք ամեն ինչ լավ էինք անում, արդեն 3 գոլ էինք խփել և դեռ շատ ժամանակ կար: Նրանց գոլը ծանր հարված էր մեզ համար և բնականաբար մենք դժվարություններ ունեցանք: Բայց հետո եկան այդ անհավանական րոպեները: Եվ ես ինձ շատ երջանիկ եմ զգում, որ կարողացա խփել այդ գոլերը, որոնք մեզ հույս ներշնչեցին խաղի վերջում: 11 մետրանոցի ժամանակ շատ կենտրոնացած էի: Չէի կարող վրիպել, քանի որ դա հաղթելու մեր վերջին հույսն էր: Եվ այդպես էլ եղավ", - եզրափակել է Նեյմարը: