Այսօր կեսգիշերին կայանալիք Կոպա Դել Ռեյի կիսաեզրափակչի պատասխան խաղին Լուիս Էնրիկեն հայտավորել է 18 խաղացողների, հաղորդում է Բարսելոնայի պաշտոնական կայքը:
Հայտացուցակից վնասվածքի պատճառով դուրս է մնացել Ռաֆինյան, ով Ատլետիկի դեմ խաղում բախվել է Տեր Շտեգենին: Վերջինս նույնպես բացակայում է. գերմանացին, ինչպես միշտ, Կոպա Դել Ռեյում իր տեղը հայտացուցակում զիջել է Մասիպին:
Բացակայում է նաև Նեյմարը, ով Ատլետիկոյի հետ նախորդ խաղում դեղին քարտ էր ստացել ու որակազրկվել: Հայտացուցակում տեղ չի գտել Ժերեմի Մաթյոն, փոխարենը վերադարձել են Լուկա Դինը, Սերխիո Բուսկետսն ու Անդրես Ինիեստան: Պիկեն, ում մասնակցությունը խաղին հարցականի տակ էր, նույնպես հայտացուցակում է:
Հայտացուցակ՝
Դարպասապահներ՝ Սիլեսեն և Մասիպ
Պաշտպաններ՝ Ալբա, Դին, Ումտիտի, Պիկե, Մասկերանո, Վիդալ և Ռոբերտո
Կիսապաշտպաններ՝ Բուսկետս, Գոմեշ, Ռակիտիչ, Դ. Սուարեզ, Թուրան և Ինիեստա
Հարձակվողներ՝ Ալկասեր, Լ. Սուարեզ և Մեսսի