Լուիս Էնրիկեն չի պատրաստվում փոխել իր մարտավարությունը Սիթիի դեմ խաղում: Նա դրական արդյունքի ակնկալիքներ ունի: Ներկայացնում ենք Լուչոյի ասուլիսի առավել հետաքրքիր հատվածները:
"Ակնկալում եմ նույնը, ինչ առաջին խաղում: Չեմ ցանկանում, որ թիմն ավելի ագրեսիվ գործի պրեսինգի դիմելիս: Երբ գնդակը հայտնվի մեզ մոտ, պետք է լայն գործենք: Թիմերն իրար շատ նման են և ես հուսով եմ, որ դրական արդյունքի կհասնենք":
"Ողջ մրցաշրջանի ընթացքում ունենալու ենք կորուստներ, պետք է հույսներս դնենք այն խաղացողների վրա, ովքեր պատրաստ են լինելու մասնակցել խաղին":
"Վաղը կարող ենք ապահովել առաջին տեղը խմբում, բայց նախ պետք է մեծագույն հանդիպում անցկացնենք, ինչպիսին անցկացրեցինք Նոու Կամպում: Ի տարբերություն նախորդ խաղի, մենք մի փոքր առավելություն ունենք այն առումով, որ ավելի քիչ ենք հոգնած: Այս խաղը մեզ շատ է մոտիվացնում":
"Ագուերոն հայտնի է ամբողջ աշխարհում: Հնարավոր է, որ նա գոլ խփի, բայց դրանից իմ հրահանգները խաղացողներին չեն փոխվելու: Նման մակարդակի անհատներին բոլորս շատ լավ գիտենք":
"Դեռ չգիտեմ, թե արդյոք Թուրանը 100% - ով պատրաստ կլինի, ենթադրում եմ՝ այո, բայց պետք է սպասենք մարզման ավարտին, որպեսզի հասկանանք":
"Սիթին վաղուց էր արժանի հաղթանակի: Նմանատիպ խաղերին միշտ ավելի լավ է մոտենալ հաղթանակից հետո: Այս մրցաշարում սայթաքումների համար շատ թանկ են վճարում: Մեր նպատակն է հաղթել և առաջին տեղով դուրս գալ խմբից":
"Ես Ինիեստային փոխարինելու համար 4 - 5 խաղացողներ ունեմ: Այդ հարցն ինձ չի անհանգստացնում, գիշերը կարողանում եմ քնել":
"Պրեմիեր լիգա՞ն: Մարզիչների ապագան ամենաանկանխատեսելին է: Ես ոչինչ չգիտեմ ապագայի մասին և չեմ էլ մտածում: Ներկան էլ ինձ համար չափազանց հետաքրքիր է":
"Հյուրանոցում դեռ չեմ հանդիպել Մոուրինյոյին, բայց եթե հանդիպեմ, ուրախ կլինեմ: Մեր միջև կա փոխադարձ հարգանք: Բայց վաղն իմ թիմի խաղն է և ես զբաղված եմ իմ աշխատանքով, իսկ նա՝ իր աշխատանքով":
