Վալենսիայի դեմ խաղից առաջ Լուիս Էնրիկեն հույս է հայտնել, որ իրենց կհաջողվի բարելավել վիճակը մրցաշարային աղյուսակում: Եվ այդ հույսերն այնդքան էլ անհիմն չեն, քանի որ Բարսելոնայից առաջ գտնվող թիմերից 2 - ը՝ Սևիլյան և Ատլետիկոն, այս տուրում հանդիպելու են իրար:
"Մենք խաղալու ենք Վալենսիայի հետ, որին դեռ չենք ճանաչում, քանի որ Պրանդելին շատ քիչ ժամանակ է թիմի ղեկին: Նրա թիմերին միշտ բնորոշ են եղել կարգապահությունը պաշտպանությունում և լավ տեղաշարժը: Վալենսիան այժմ այնքան էլ լավ վիճակում չէ, բայց նրանք ունեն բարձրակարգ խաղացողներ, ովքեր կարող են խնդիրներ ստեղծել մեզ համար":
"Սերխի Ռոբերտոն իրեն լավ է զգում, բայց ես չգիտեմ, թե արդյոք նա կկարողանա ընդգրկվել հայտացուցակում կամ խաղալ մեկնարկային րոպեներից: Մասկերանոն լավ տարբերակ է: Նա շատ լավ հանդիպում անցկացրեց Սիթիի դեմ և չի բացառվում, որ վաղն էլ կխաղա նույն դիրքում":
"Դրսում խաղալը միշտ էլ բարդ է: Մեստալյայի տաքարյուն երկրպագուների առջև խաղալն էլ ավելի դժվար է: Ես չեմ հիշում մի խաղ, որում նրանք պահեր չունենան: Նրանց խաղացողների անհատական որակները կարող են որոշիչ լինել":
"Առաջիկա արտագնա խաղերը չեն ազդելու այս հանդիպման վրա: Այս պահին մենք մտածում ենք միայն Վալենսիայի մասին, դա միակ խաղն է այս պահին, որը կարող ենք վերահսկել: Մանչեսթերն ու Սևիլյան տվյալ պահին մեզ համար գոյություն չունեն: Կա միայն առաջիկա հանդիպումը":
"Մենք պետք է վաստակենք մեր 3 միավորը և հուսանք, որ մյուսները դա չեն անի: Այս նույն մոտեցումը կա մրցաշրջանի ամենասկզբից: Պետք է բարելավենք մեր խաղն ու միավորներ վաստակենք":
"Նեյմարի պայմանագրի երկարաձգումը հիանալի լուր է: Դա ցույց է տալիս, թե որքան է առաջադիմել խաղացողը, որ շարունակում է գոհացնել ակումբին, խաղընկերներին: Նա ունի տիտղոսներ նվաճելու մեծ ցանկություն":
"Ամռանը մեր նպատակներից մեկն էր կազմն ուժեղացնելը, որպեսզի լինենք հզոր և լիարժեք թիմ ունենանք: Գրեթե բոլոր նորեկները բավականաչափ խաղաժամանակ են ստացել և բոլորն էլ իրենց լավ են դրսևորել, չնայած ես հույս ունեմ, որ նրանք կշարունակենք բերալավել իրենց խաղը մինչև մրցաշրջանի ավարտը":
"Լուիս Սուարեզի առաջխաղացումը բնական է և շատ լավ է թիմի համար: Նա գտնվում է մի թիմում, որը հնարավորություն է տալիս լինել ռմբարկու և կատարել բազմաթիվ գոլային փոխանցումներ: Մեր խաղացողների մեծությունը կայանում է նրանում, որ նրանք այդ ամենը կարող են անել՝ խաղալով ցանկացած դիրքում":
"Հիանալի է, որ Սուարեզը երեկույթ էր կազմակերպել Ոսկե խաղակոշիկը հաղթելու առթիվ: Ֆուտբոլիստը ցանկանում կիսել իր հաջողությունը խաղընկերների հետ: Ինձ համար դա ուղղակի կատարյալ է: Հիանալի է երեկո անցկացրեցինք, հուսով եմ, որ նման միջոցառումները հաճախակի բնույթ կկրեն":
