Լուիս Էնրիկե Մարտինես

Լուիս Էնրիկեն, ինչպես Խոսեպ Գվարդիոլան, Գիլերմո Ամորը, Ալբերտ Ֆերերն ու Սերխի Բարխուանը, 36 տարեկան հասակում սկսեց մարզչական կարիերան: 2008 թվականին նա զբաղեցրեց Գվարդիոլայի տեղը Բարսա Բ - ի գլխավոր մարզչի ղեկին: Պեպն էլ իր հերթին գլխավորել էր առաջին թիմը:

Լուչոն 2010 թվականին Բարսելոնա Բ - ին իսպանական 3 - րդ դիվիզիոնից դուրս բերեց Սեկունդա, իսկ 1 տարի անց պատմական արդյունք արձանագրեց կատալոնական ակումբի 2 - րդ թիմի ղեկին: Բարսա Բ - ն զբաղեցրեց 3 - րդ հորիզոնականը Սեկունդայում և կհայտնվեր Լա Լիգայում, եթե դա դեմ չլիներ կանոնադրությանը (նույն ակումբը ներկայացնող 2 թիմ չի կարող խաղալ նույն մրցաշարում):

Նման հաջողությունից հետո Լուիս Էնրիկեն հրավերք ստացավ Ռոմայից, որին հասցրեց մինչև Իտալիայի գավաթի կիսաեզրափակիչ: Ներքին առաջնությունում ջալոռոսները զբաղեցրեցին 7 - րդ տեղը և իրավունք ստացան մասնակցել Լիգա Եվրոպային: Բայց Լուչոն հեռացավ հռոմեական ակումբից և գլխավորեց Սելտան: Վիգոյի թիմը զբաղեցրեց 9 - րդ հորիզոնականը և իր հիանալի խաղով այնպես տպավորեց բոլորին, որ Բարսելոնայի ղեկավարությունը որոշեց թիմը վստահել նրան: Այդպես, 2014 թվականին Էնրիկեն գլխավորեց կատալոնական թիմը:

Լուչոն Բարսելոնայում անցկացրած իր առաջին իսկ մրցաշրջանում ոսկե թրեբլ ձևակերպեց, ինչպես ժամանակին Գվարդիոլան: Նրա հետ թիմը հաղթեց նաև Աշխարհի ակումբային գավաթը, Եվրոպայի սուպերգավաթը, Իսպանիայի սուպերգավաթը, 2015-16 մրցաշրջանում պաշտպանեց Լա Լիգայի չեմպիոնի կոչումը: Նույնն արեց Կոպա Դել Ռեյում 2015-16 և 2016-17 մրցաշրջաններում:

ՏԻՏՂՈՍՆԵՐ

Բարսելոնա

Լա Լիգա (2) - 2014-15, 2015-16

Չեմպիոնների լիգա (1) - 2014-15

Կոպա Դել Ռեյ (3) - 2014-15, 2015-16, 2016-17

Իսպանիայի սուպերգավաթ (1) - 2016-17

Եվրոպայի սուպերգավաթ (1) - 2015-16

Աշխարհի ակումբային առաջնություն (1) - 2015-16

Անհատական մրցանակներ

Աշխարհի լավագույն մարզիչ (1) - 2015